“Оpen budget”нинг ғолиб лойиҳалари эълон қилинди

“Ochiq byudjet” порталида “Tashabbusli byudjet” жараёнининг 2025-йилги 1-мавсуми ғолиб лойиҳалари эълон қилинди. Жараёнларда Ўзбекистон бўйлаб жами 10 млн 450 мингта овоз берилди. Бу ҳақда Иқтисодиёт ва молия вазирлиги хабар берди.

Билдирилишича, овоз бериш жараёни якунларига кўра, 3,2 трлн сўмлик 2 369 та лойиҳа ғолиб деб топилган.

Шу билан бирга, Қува туманида фуқаролар мажбурий овоз тўплашга жалб этилиши ҳолати қайд этилгани сабабли мажбурий овоз тўпланган лойиҳаларга аниқлик киритилмоқда. Ўрганиш натижаларига кўра, мазкур туман бўйича ғолиб лойиҳалар қўшимча равишда эълон қилинади.

• Лойиҳа
• опен бюджет