Андижон вилояти Мактабгача ва мактаб таълими бошқармаси хабар беришича, Олтинкўл туманидаги 38-мактаб директори ишдан олинган.

Маълумотларга кўра, куни кеча ижтимоий тармоқларда муҳокамага сабаб бўлган ҳолат жорий йилнинг 30 октябрь куни 14:30 лар чамасида мактаб синфхонасида содир бўлиб, унда мактаб синфхонасида пиротехника воситаларидан фойдаланган бир гуруҳ ўқувчи-ёшларни тартибга чақириш жараёнидаги мактаб директори М.Мнинг хатти-ҳаракатлари тасвирга олинган.

“Мазкур ҳолатда мактаб директори М.М ўқувчиларга нисбатан педагогик этика қоидалари доирасида муносабатда бўлмаганлиги сабабли эгаллаб турган лавозимидан озод этилиб, ҳозирда ҳужжатлар расмийлаштирилаётганлигини маълум қиламиз” – дейилади бошқарманинг билдирган расмий муносабатида.

• Андижон
• Maktabgacha va maktab ta'limi vazirligi
• direktor