“Hindenburg Research” тадқиқот компанияси тақдим этган ҳисоботда ҳиндистонлик миллиардер Гаутам Аданининг “Adani Group” конгломератини кўплаб молиявий қонунбузарликларда айблади. Ҳисобот Аданининг бизнес империяси қиймати бир кунда 12 миллиард долларга қисқартирди, деб ёзади “Bloomberg”. “Hindenburg Research” бу фақат бошланиши эканини иддао қилмоқда.

Таҳлилчиларнинг айтишича, ҳисобот акцияларни манипульяция қилиш ва бухгалтерия ҳисобидаги фирибгарликларга оид икки йиллик тергов натижасидир. Компания, шунингдек, “корпоратив тарихдаги энг катта фирибгарлик” деб номланган ушбу ҳаракатлар Ҳиндистон конгломерати томонидан ўнлаб йиллар давомида содир этилганлигини даъво қилмоқда.

“Adani Group” бу айбловларни рад этади ва қонуний ҳаракатларни текширади. “Hindenburg Research” бунга жавобан шу каби ҳаракат олқишланишини айтди, чунки компания унга қарши ҳар қандай суд жараёни асосга эга эмаслигига ишончи комил. “Hindenburg Research” таҳлилчилари илгари ҳеч қачон Адани гуруҳи каби йирик тузилмаларни фош қилмаган.

Гаутам Адани ким?

Гаутам Адани – бизнесмен, Ҳиндистон конгломерати ҳисобланган “Adani Group” раҳбари ва нафақат Ҳиндистон, балки бутун Осиёдаги энг бой одам. 2022 йил сентябрида Адани “Amazon” асосчиси Жефф Безосни ортда қолдириб, дунёнинг энг бой одамлари рўйхатида иккинчи ўринга кўтарилди. Шу билан бирга, 2022 йил бошида ҳиндистонлик бизнесмен миллиардерларнинг глобал рейтингида 14-ўринда қайд этилган эди.

Ҳозирда Адани 113 миллиард доллар бойлиги билан “Bloomberg” миллиардерлар индексида тўртинчи ўринни эгаллади. Йил бошидан буён тадбиркорнинг умумий активлари қиймати 7,11 миллиард долларга камайди.

• Bloomberg
• Фирибгарлик
• миллиардерлар