Интерполнинг Ўзбекистон Республикасидаги Миллий марказий бюроси ходимлари томонидан фирибгарлик содир этгани учун халқаро қидирувда бўлган жиноятчи экстрадиция қилинди.

Тошкент ва Ригада фаолият юритувчи Интерпол ММБларнинг раҳбарлари ўртасидаги музокаралар натижасида фирибгарликда айбланаётган халқаро қидирувдаги жиноятчи Ўзбекистонга берилди.

Қидирувдаги шахс бир неча йиллар давомида жабрланувчи АҚШга чиқиб кетишни ният қилганини билиб, мамлакатнинг Тошкентдаги элчихонаси ходими сифатида ўзини таништиради ва ҳужжатларни расмийлаштириш, хорижга чиқишга рухсат олишда ўз хизматларини таклиф қилади.

Қайд этилишича, жиноятчи Ўзбекистондан чиқиб кетганидан кейин шахсий маълумотларини ўзгартириб, хорижий давлатнинг сохта паспортидан фойдаланган ҳолда, жиноий фаолиятини давом эттириб, ўзини ҳамон элчихона ходими сифатида таништириб, барча хизматларни кўрсатиб, фирибгарлик йўли билан жабрланувчиларнинг пул маблағларини ўзлаштириб олган.

Бироқ қидирувда бўлган шахсни аниқлаш бўйича узоқ давом этган жараёнга қарамай, унинг чет эл паспортини сохта, шахсий маълумотларини эса ҳақиқий эмас деб топиб, Тошкент ва Рига Интерполнинг ММБ томонидан ҳуқуқбузарнинг шахси аниқланиб, қўлга олинган.

Ўзбекистон Республикаси Бош прокуратурасининг экстрадиция тўғрисидаги илтимосномаси қаноатлантирилгандан сўнг, жиноятчи Интерпол ММБ ходимлари ҳамкорлигида Ўзбекистонга олиб келинган.

• ИИВ
• Интерпол
• Жиноят