Мусобақа жорий йилнинг 12-20 июль кунлари давомида Хитойнинг Шинжон-Уйғур автоном райони Урумчи шаҳрида бўлиб ўтади.

Унга ташриф буюрган 25 та давлат вакилларидан иборат 45 та (шундан ХХРнинг ҳарбий ва полиция бўлинмаларидан 6 та) жамоалар ўртасида  Ўзбекистон Республикаси Миллий гвардияси жамоаси муносиб иштирок этмоқда.

Халқаро ҳарбий ҳамкорлик алоқаларини мустаҳкамлаш борасидаги истиқболли режалар асосида Хитой томонидан ҳар икки йилда ташкил этиб келинаётган мазкур мусобақада Ўзбекистон Миллий гвардияси мерганлари бу йил иккинчи маротаба иштирок этишмоқда, хусусан гвардиячиларимиз 2023 йилда бўлиб ўтган айнан ушбу нуфузли мусобақада иккинчи ўринни қўлга киритишган эди.

“Айни кунларда жанговар руҳда ва муросасиз беллашувларга бой ўтаётган мазкур халқаро мусобақада сафдошларимизга улкан зафарлар ёр бўлишини тилаб қоламиз” – дейилади Миллий гвардия матбуот хизмати хабарида.

• Миллий гвардия
• Хитой
• musobaqa
• turnir