Global Firepowerʼнинг 2023 йилги дунёдаги энг кучли армиялар рейтингида Ўзбекистон 145 та давлат орасида 62-ўринни эгаллади.
Қайд этилишича, Ўзбекистон ҳаво кучлари таркибидаги самолётларнинг умумий сони 197 та: 58 та қирувчи самолёт, 20 та ҳужумчи самолёт, 13 та ҳарбий транспорт самолёти, 7 та ўқув самолёти, 99 та вертолёт ва 33 та ҳарбий вертолёт. Шунингдек, армияда 420 та танк, 197 та ўзиюрар артиллерия мосламаси ва 143 та ёппасига ўқ узиш тизимлари мавжуд.
Ўзбекистонда хизматни ўташга яроқли инсон ресурсларининг умумий сони 13,5 миллион кишини ташкил қилади. Ҳар йили ҳарбий чақирув 622 минг кишига тўлдирилмоқда. Айни пайтда Ўзбекистон қуролли кучларида 65 минг киши хизмат қилмоқда.
Рейтингда кучли учлик шундай кўриниш олган:
АҚШ – 1-ўрин (0,0712 индекс)
Россия – 2-ўрин (0,0714 индекс)
Хитой – 3-ўрин (0,0722 индекс)
Марказий Осиё давлатлари ҳарбий қудратига кўра қуйидаги позицияларни эгаллаган:
Ўзбекистон – 62-ўрин (1,0692 индекс)
Қозоғистон – 63-ўрин (1,0873 индекс)
Туркманистон – 82-ўрин (1,5986 индекс)
Қирғизистон – 107-ўрин (2,1073 индекс)
Афғонистон – 114-ўрин (2,3118 индекс)
Тожикистон – 120-ўрин (2,6403 индекс)
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!