“Transparency International” ташкилоти коррупция билан боғлиқ вазият бўйича 2024 йил учун ҳисоботини эълон қилди.

Ушбу ҳисоботга кўра Ўзбекистон 33 балл билан 180 та давлат орасида 121-ўринда бормоқда. Ушбу кўрсаткич камида 2012 йилдан буён биринчи марта ёмонлашди. Ўзбекистон сўнгги ўн йил давомида коррупцияни сезиш кўрсаткичини яхшилаш суръатлари бўйича жаҳон етакчилари рўйхатидан чиқиб бормоқда.

Рейтингда Дания 90 балл билан биринчи ўринни эгаллаган бўлса, Финляндия (88) ва Янги Зеландия (84) кучли учликни якунлаб берди. Энг ёмон кўрсаткичлар Жанубий Судан (8), Сомали (9) ва Венесуэлада (10) кузатилган.

• Коррупция
• Ўзбекистон
• рейтинг