Ўзбекистон Республикаси қишлоқ хўжалиги вазирлиги вакиллари Озарбайжон Республикасига расмий ташриф билан боришди.

Учрашув доирасида инвестициявий ҳамкорликни кенгайтириш, хусусан, озиқ - овқат саноати соҳасида қўшма лойиҳаларни амалга ошириш масалаларига эътибор қаратилмоқда.

Ташриф давомида Milla Dairy компанияси вакиллари билан учрашув бўлиб ўтди, унда Ўзбекистонда сут маҳсулотлари ишлаб чиқариш бўйича Jizzax Organic компанияси билан қўшма лойиҳани амалга ошириш истиқболлари юзасидан фикр алмашилди.

Таъкидланишича, ҳозирги кунда Milla Dairy Ўзбекистон бозорини тадқиқ қилмоқда ва лойиҳанинг бизнес моделини ишлаб чиқиш устида ишламоқда.

Шунингдек, R Group Holding венчур инвестиция компанияси директори Абдул Алиев билан учрашув ташкил этилди.

Музокаралар давомида Milmaxtrade компаниясининг мураббо, қуритилган мевалар ва газаклар ишлаб чиқаришга ихтисослашган заводини қайта тиклаш бўйича лойиҳа тақдим этилди, унда ишлаб чиқариш илгари вақтинча тўхтатилган эди.

Муҳокамалар якунлари бўйича томонлар MILMAXTRADE компанияси раҳбари Ш.Ҳусенов билан онлайн учрашув ўтказиш ва лойиҳа ҳужжатларини Озарбайжон томонига топшириш тўғрисида келишиб олдилар.

• Озарбайжон
• Ўзбекистон