2024 йилнинг январь ойида Ўзбекистоннинг ташқи савдо айланмаси 4,2 млрд АҚШ долларига етган. Бу ҳақда статистика агентлиги маълум қилди.

Қайд этилишича, ташқи савдо айланмаси ҳажми 2023 йилнинг мос даври билан солиштирилганда 870,1 млн АҚШ долларига ёки 17,2 % га камайган.

Шунингдек, Ўзбекистон 2024 йилнинг январь ойида жаҳоннинг 137 та мамлакати билан савдо алоқаларини амалга оширган.

ТСАнинг нисбатан салмоқли ҳиссаси Хитой (27,2 %), Россия (18,3 %), Қозоғистон (6,5 %), Туркия (5,1 %) ва Корея Республикасида (4,3 %) қайд этилган.

Экспорт – 1,1 млрд;
Импорт – 3,1 млрд.

• Ташқи савдо
• статистика