Гидрометеорология марказининг хабар беришича, бугун, 25 сентябрь кундуз куни Ўзбекистон бўйича ёғингарчилик кутилмайди, фақат кечга яқин Қорақалпоғистон Республикаси ва Хоразм вилоятининг баъзи ҳудудларида ёмғир ёғади, момақалдироқ бўлиши мумкин. Шамол 7-12 м/с тезликда эсади, шимолда 15-20 м/с гача кучаяди, баъзи жойларда шамолнинг кучайиши 21-23 м/с га етиши ва айрим жойларда чанг-тўзонлар кузатилиши мумкин. Ҳаво ҳарорати 30-35° ни ташкил этади.

Пойтахт Тошкент шаҳрида ёғингарчилик кутилмайди. Шамол 3-8 м/с тезликда эсади. Ҳаво ҳарорати сельций шкаласи бўйича 32-34 даража иссиқ бўлади.

Тоғли ҳудудларда ёғингарчилик кутилмайди. Шамол 7-12 м/с тезликда эсади. Ҳаво ҳарорати 22-27 даража иссиқ бўлади.

• Об-ҳаво