Мамлакатнинг транспорт-логистика тизимини рақамлаштириш доирасида юк ташувлари шаффофлиги ва самарадорлигини оширишга мўлжалланган ягона  E-логистика рақамли платформаси яратилди. Бу ҳақда Ўзбекистон Республикаси Транспорт вазирлиги матбуот хизмати хабар берди.

Ушбу платформа орқали юк ташувлари ва логистика хизматлари тўлиқ рақамлаштирилган.

Э-логистикани ишлаб чиқиш ва жорий этиш Ўзбекистон Республикаси президентининг фармони доирасида кўзда тутилган бўлиб, харажатларни камайтириш, ташув жараёнларини тезлаштириш ва логистика хизматлари сифатини яхшилашга қаратилган.

“Платформа аллақачон бозор иштирокчилари – юк жўнатувчилар, ташувчилар ва қабул қилувчилар учун фойдаланишга тайёр”, – дейилади вазирлик хабарида.

• Логистика
• Transport vazirligi
• Янгилик