Апрель ойининг биринчи кунларида Ўзбекистон ҳудуди бўйича қуруқ ва илиқ об-ҳаво бўлиши кутилмоқда. 1–2 апрель кунлари кундузи ҳарорат 22-27 даражани ташкил этади, иш ҳафтасининг охирига келиб ҳаво 28-30 даражагача, жанубда ва чўл ҳудудларда 33 даражагача исийди. Қайд этилишича, бу апрель ойи боши учун бўлган меъёрий қийматлардан 5-7 даражага юқоридир.

Республиканинг шимоли-ғарбий ҳудудлари – Қорақалпоғистон Республикаси, Хоразм вилоятда 1–3 апрель кунлари кундузги ҳарорат 25-30 даража бўлган қуруқ ва жуда илиқ об-ҳаво бўлиши кутилмоқда, 4 апрелда эса ҳарорат 5-7 даражага пасаяди, баъзи жойларда ёмғир ёғиши мумкин.

Шамол шарқдан 7-12 м/с тезликда эсади, 3–4 апрель кунлари республика бўйича 15-20 метр/секундгача кучайиши мумкин.

Тошкентда 1 апрель куни ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Ҳарорат кечалари 10-15 даража, кундуз кунлари 1–2 апрелда 24-26 даража, 3–4 апрелда 26-29 даража бўлади.

• Об-ҳаво
• Ўзбекистон
• issiq havo