Америкалик тадбиркор Илон Маск Бирлашган Миллатлар Ташкилоти бош котиби Антонио Гутерришнинг рақамли платформалар ҳақидаги баёнотидан кейин БМТни молиялаштиришни тўхтатишга чақирди. У бу ҳақда Х ижтимоий тармоғидаги саҳифасида ёзди.

Маск фойдаланувчи томонидан эълон қилинган видеога изоҳ берган. Видеода Гутерреш рақамли платформалар кўпинча одамларни чалғитиш ва улар ўртасида душманлик уйғотиш учун ишлатилишини айтиб, жаҳон ташкилотини бунга муносабат билдиришга чақиради.

“БМТни молиялаштиришдан маҳрум қилинг”, – дея ёзган Маск.

 У яқинда АҚШ президенти Доналд Трамп маъмуриятидаги Америка ҳукумати фаолияти самарадорлигини ошириш бўйича идора (ДОГЕ) ишини назорат қилган эди.

Май ойи бошида Трамп маъмурияти 2026-молиявий йилга (1 октябрдан бошланади) мўлжалланган федерал бюджет лойиҳасини тақдим этди. Унда АҚШнинг БМТ, ЮНЕСКО ва ЖССТга бадалларини тўхтатиб туриш таклиф қилинган.

Бюджет лойиҳасида таъкидланишича, АҚШ президенти ўз хоҳишига кўра ушбу ташкилотларга бадалларни амалга оширишни буюриши мумкин. Бу мақсадлар учун маблағларни “стратегик инвестициялар”ни амалга ошириш учун ташкил этилиши таклиф қилинаётган 2,9 млрд доллар миқдоридаги махсус жамғармадан ажратиш таклиф этилмоқда.

Бундан ташқари, ҳужжатда “зарар кўраётган тинчликпарвар миссияларни”, шу жумладан БМТ доирасидаги миссияларни молиялаштиришдан воз кечиш орқали харажатларни 1,6 млрд долларга қисқартириш таклиф қилинмоқда.

• БМТ
• Ilon_Mask