Россия Хавфсизлик кенгаши котиби Сергей Шойгу 4 июнь куни КХДРда мамлакат раҳбари Ким Чен Ин билан учрашди. Бу ҳақда Россия Хавфсизлик кенгаши сайтида хабар берилди.

Учрашув чоғида Ким Чен Ин Шимолий Корея Россияни Украинадаги урушда қатъий қўллаб-қувватлашда давом этишини билдирган.

“КХДР ҳукумати Россиянинг позицияси ва ташқи сиёсатини барча халқаро сиёсий масалаларда, айниқса Украинадаги можарода қўллаб-қувватлайди”, — деган КХДР етакчиси.

Бундан ташқари, Ким Чен Ин ва Сергей Шойгу учрашув чоғида Курск вилоятида бўлиб ўтган жангларни ҳам муҳокама қилган. Ушбу жангларда Шимолий Корея аскарлари Украина Қуролли кучларига қарши Россия томонида туриб жанг қилганди.

• КХДР
• Kim Chen In
• Россия
• Sergey Shoygu
• Ташриф
• aloqa