Иқтисодиёт ва молия вазирлиги Ўзбекистонда иш ҳақи, пенсия ва нафақалар 2025 йил 1 мартдан ва 1 августдан 10 фоизга оширилиши тўғрисида тарқалган хабарлар ҳақиқатга тўғри келмаслигини маълум қилди.

“Иш ҳақи ва пенсиялар бўйича ҳар қандай расмий маълумотлар тегишли давлат органларининг расмий манбалари орқали эълон қилинади”, – дейилади вазирлик хабарида.

Вазирлиги ишончли манбаларга таянишни ва текширилмаган хабарларни тарқатмасликни сўраган.

Маълумот учун, сўнгги бор Ўзбекистонда 2024 йил сентябрда пенсиялар ва нафақалар 15 фоизга оширилган эди. Жумладан, пенсияни ҳисоблашнинг базавий миқдори ойига 428 минг сўм, ёшга доир энг кам пенсия миқдори ойига 834 минг сўм этиб белгиланган. Бунда меҳнатга ҳақ тўлашнинг энг кам миқдори – ойига 1 155 000 сўм, базавий ҳисоблаш миқдори — 375 000 сўм этиб белгиланган эди.

• Иқтисодиёт
• Маош
• rasmiy munosabat
• хабар