Бугунги кунда Ўзбекистонда 48 мингдан ортиқ шахслар ОИВ касаллиги билан яшаб келмоқда. Бу ҳақда бугун, 8 июнь куни Ахборот ва оммавий коммуникациялар агентлигида Санитария-эпидемиологик осойишталик ва жамоат саломатлиги қўмитаси томонидан “ОИТСга қарши курашиш мақсадида олиб борилаётган ишлар” мавзусида ўтказилган матбуот анжуманида маълум қилинди.

Одамнинг иммунитет танқислиги вируси (ОИВ) касаллиги билан бугунги кунда Республикамизда 48 мингдан ортиқ шахслар яшаб келмоқда.

Республикамизда ОИВ инфекциясига қарши курашиш доирасида 63 та туманлараро ОИВ диагностик лабораториялар ОИТСга қарши кураш марказлари тасарруфига ўтказилиб, зарур тиббий ускуналар билан жиҳозланди, ҳар бир вилоят юқумли касалликлар шифохоналари негизида 5 тадан 40 тагача ОИВ беморларга хизмат кўрсатадиган ўринлар ташкил этилди.

Сўнгги 5 йил ичида ОИВ инфекцияси учун тестлар сони 700 мингдан 3,5 миллионга ошган ёки 5 баробарга ортган.

• ОИВ
• Sanitariya
• статистика