$
12920.00 UZS
-11.94
149.52 UZS
-0.66
14102.18 UZS
-5.27
17° Кечаси

Ўзбекистонда вояга етмаган фуқароларга “Умра” хизматларини кўрсатмаслик белгиланди

20:41 / 08.08.2023

“Умра” тадбирларини ташкил этиш ва ўтказишда зиёратчиларнинг манфаатларини самарали ҳимоя қилиш бўйича қўшимча чора-тадбирлар тўғрисида”ги Ҳукумат қарори (345-сон, 08.08.2023 й.) қабул қилинди.

Қарорга кўра, “Умра” тадбирларини ташкил этиш ва ўтказишга оид хизматларни кўрсатиш билан боғлиқ туристик фаолиятни амалга ошириш лицензияси чиқиш туризми кичик турининг алоҳида фаолият йўналиши ҳисобланиб, мазкур фаолият фақат маҳаллий туроператор томонидан амалга оширилиши белгиланди.

Туристик фаолиятни амалга ошириш лицензияси чиқиш туризми кичик турининг “Умра” хизматларини кўрсатиш фаолияти бўйича қуйидаги қўшимча лицензия талаблари ва шартлари жорий этилади:

100 минг АҚШ долларидан кам бўлмаган маблағларни Туризм қўмитасининг Хавфсиз туризм жамғармасига захира қилиб қўйиш;

“Умра” хизматлари давомида зиёратчиларнинг гуруҳ раҳбари этиб Ўзбекистон мусулмонлари идораси билан тузиладиган шартнома асосида унинг диний билим ва кўникмаларга эга бўлган мутахассисларини тайинлаш;

“Умра” хизматларини кўрсатувчи туроператор штатида диний (исломий) таълим йўналишлари бўйича республика таълим муассасаси ёки Ўзбекистон халқаро ислом академиясининг тегишли бакалавриат таълим йўналиши ёхуд магистратура мутахассислиги битирувчиси бўлган камида бир нафар мутахассиснинг бўлиши;

“Умра” хизматларини вояга етмаган фуқароларга кўрсатмаслик;

“Умра” хизматларини Саудия Арабистони Подшоҳлигидаги ҳамкор ташкилот ўртасида имзоланадиган шартномага мувофиқ амалга ошириш.

“Умра” хизматларини кўрсатувчи туроператор мурожаати асосида Ўзбекистон мусулмонлари идораси мутахассисини зиёратчиларга гуруҳ раҳбари (элликбоши) сифатида жалб этиш бўйича қуйидаги тартиб жорий этилади:

мутахассиснинг зиёратчилар гуруҳларига раҳбарлик қилиши билан боғлиқ хизмати беғараз амалга оширилади, унинг сафар харажатлари (транспорт, меҳмонхона, озиқ-овқат, суғурта, виза тўловлари ва бошқалар) “Умра” хизматларини кўрсатувчи туроператор томонидан қопланади;

мутахассис туроператорнинг сўровига кўра Ўзбекистон мусулмонлари идораси томонидан 3 иш кунида ажратилади;

1 нафар гуруҳ раҳбарига 50 нафардан ошмаган зиёратчилар гуруҳи бириктирилади.

2023 йил 1 октябрдан “Умра” хизматларини кўрсатувчи туроператорлар фаолиятини рейтинг асосида баҳолаш тизими жорий этилади.

Қарорда белгиланган қўшимча лицензия талаб ва шартлари 2023 йил 1 ноябрдан қўлланилади ҳамда улардан лицензияни қайта расмийлаштиришда аризани кўриб чиқиш учун тўланадиган йиғим ва лицензия учун давлат божи ундирилмайди.


Бу ҳам қизиқ

Грузия собиқ президенти Михаил Саакашвили тўққиз йилга қамалди

Грузия собиқ президенти Михаил Саакашвили тўққиз йилга қамалди

Саакашвили “катта миқдордаги бюджет маблағларини (уч млн доллардан ортиқ) талон-торож қилиш”да айбдор деб топилган.
12:50 / 12.03.2025
Haval М6 – Ўзбекистонда ишончни қозонган кроссовер

Haval М6 – Ўзбекистонда ишончни қозонган кроссовер

5 йиллик кафолат (150 000 км масофа йўл босиш) ва расмий сервис хизмат кўрсатиш. Кроссовер кўп йиллик фойдаланиш давомида иш…
11:10 / 13.03.2025
Абдулла Арипов хизмат автомобилларини маҳаллий автомобилларга ўзгартирди

Абдулла Арипов хизмат автомобилларини маҳаллий автомобилларга ўзгартирди

Бош вазир Абдулла Арипов 7 март куни бўлиб ўтган видеоселекторда, давлат амалдорларига хорижий хизмат автомобилларидан фойда…
20:45 / 11.03.2025
Тошкент вилоятида юк машинаси ёниб кетди

Тошкент вилоятида юк машинаси ёниб кетди

Кеча, 11 март куни соат 18:40 да Тошкент-Водий А-373 автомобиль йўлининг 91 километрида ҳаракатланиб кетаётган юк ташувчи тр…
09:49 / 12.03.2025
Хитой Глобал Интернет тармоғини яратмоқчи

Хитой Глобал Интернет тармоғини яратмоқчи

Хитой Глобал Интернет тармоғини яратиш учун Qianfan сунъий йўлдошларининг бешинчи гуруҳини ишга туширди.
12:16 / 12.03.2025
Тошкент - Бухоро йўналишида қўшимча Афросиёб поездлари йўлга қўйилади

Тошкент - Бухоро йўналишида қўшимча Афросиёб поездлари йўлга қўйилади

Наврўз ва Рамазон ҳайит байрамлари муносабати билан йўловчиларга қулайлик яратиш мақсадида Афросиёб тезюрар поездининг Тошке…
17:51 / 11.03.2025
Чилонзорда Lacetti дарахтга бориб урилди

Чилонзорда Lacetti дарахтга бориб урилди

Автоҳалокат натижасида транспорт воситаси техник зарар кўрган. Ҳайдовчи ва йўловчиларга биринчи тиббий ёрдам кўрсатилган.
18:30 / 12.03.2025
Тошкент ҳавосининг ифлосланиш даражаси меъёрдан олти баравар кўп

Тошкент ҳавосининг ифлосланиш даражаси меъёрдан олти баравар кўп

12 март куни Тошкентдаги ҳавонинг ифлосланиш даражаси меъёрдан 6,9 баравар ошган.
10:02 / 12.03.2025
Ўзбекистонда жонли ижро санъати янада ривожлантирилади

Ўзбекистонда жонли ижро санъати янада ривожлантирилади

Қонун билан айрим қонун ҳужжатларига ўзгартириш ва қўшимчалар киритилди.
14:18 / 12.03.2025
Мирзиёев Францияга ташрифи доирасида ЮНЕСКО бош директори билан учрашди

Мирзиёев Францияга ташрифи доирасида ЮНЕСКО бош директори билан учрашди

Ўзбекистон Республикаси президенти Шавкат Мирзиёев 12 март куни Францияга давлат ташрифи доирасида БМТнинг Таълим, фан ва ма…
15:04 / 12.03.2025

Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!

Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!