Президент фармони билан Оила ва хотин-қизлар қўмитаси яна Вазирлар Маҳкамаси бўйсунувига ўтказилди.

2023 йил 1 январда Хотин-қизлар ва оила ишлари қўмитаси Камбағалликни қисқартириш ва бандлик вазирлигига ўтказилиб, бош вазирнинг хотин-қизлар ва оила масалалари бўйича ўринбосари лавозими тугатилганди.

Шу йил 21 декабрь президентнинг (ПФ-208-сонли) “Оила ва хотин-қизлар қўмитасининг фаолиятини такомиллаштиришга оид қўшимча чора-тадбирлар тўғрисида”ги фармони қабул қилинди. Бу ҳақда Адлия вазирлиги хабар қилди.

Фармонга кўра, Оила ва хотин-қизлар қўмитасининг бўйсунуви Камбағалликни қисқартириш ва бандлик вазирлигидан Вазирлар Маҳкамасига ўтказилди.

Қўмита фаолиятини самарали ташкил этиш мақсадида Вазирлар Маҳкамасида бош вазир ўринбосари — Оила ва хотин-қизлар қўмитаси раиси лавозими жорий этилди.

Шунингдек, Қўмита раиси билан келишилган ҳолда лавозимга тайинланадиган ва лавозимидан озод этиладиган:

· Қорақалпоғистон Республикаси Вазирлар Кенгаши раиси ўринбосари — Қорақалпоғистон Республикаси Оила ва хотин-қизлар қўмитаси раиси лавозими;

· вилоятлар ва Тошкент шаҳар ҳокимлари ўринбосарлари — вилоятлар ва Тошкент шаҳар оила ва хотин-қизлар бошқармалари бошлиқлари лавозими;

· туман (шаҳар) ҳокимларининг ўринбосарлари — туман (шаҳар) оила ва хотин-қизлар бўлимлари бошлиқлари лавозими киритилди.

Оила ва хотин-қизлар илмий-тадқиқот институти негизида Оила ва гендер илмий-тадқиқот институти ташкил этилди.

• Бош вазир
• Xotin-qizlar