Кеча, 9 сентябрь куни It’s Glowtime тақдимоти доирасида Apple янги iPhone 16 (Плюс, Pro, Pro Max) смартфонларини тақдим этди.

iPhone 16 ва iPhone 16 Plus моделлари “ихчамроқ ва каттароқ” парадигмани сақлаб қолди. iPhone 16 6,1 дюймли дисплейга эга, iPhone 16 Plus эса 6,7 дюймли панелдан фойдаланади.

Асосий визуал фарқлардан бири бу орқа тарафдаги камеранинг янги дизайни – линзалар энди iPhone X моделидаги каби бир-бирининг остида жойлашган. Янги маҳсулотларни ўтган йилги моделлардан фарқлаш осон бўлади.

Иккала модель ҳам мослаштириладиган Action тугмаси билан фото ва видео суратга олиш учун сенсорли Capture тугмасига эга бўлди. Ундан катталаштириш ёки фокуслаш учун фойдаланиш мумкин.

Қурилманинг унумдорлиги янги нейрон двигателга эга Apple A чипсети томонидан бошқарилади, бу сизга турли сунъий интеллект операцияларини бевосита қурилмада тезда бажариш имконини беради.

Дастлабки маълумотларга кўра, иккала смартфон ҳам 8 Гб тезкор хотирага эга бўлади – айнан шу Apple Intelligence чипларининг тўғри ишлаши учун зарур. iPhone 16 ва iPhone 16 Plus беш рангда тақдим этилади: қора, оқ, пушти, кўк ва яшил.

iPhone 16 Pro ва iPhone 16 Pro Max флагман моделлари анча нозикроқ рамкали экранларни олди, бу эса фойдаланувчиларга таниш ўлчамларни сақлаб қолган ҳолда дисплейларни бироз катталаштириш имконини берди. Энди iPhone 16 Pro диагонали 6,3 дюймга, iPhone 16 Pro Max эса 6,9 дюймга тенг (аввалги смартфонлар эса мос равишда 6,1 ва 6,7 дюймга эга).

Pro версияларида процессор янгиланди - Apple A Pro. Бу янги чипнинг янада кучли версияси. Иккала флагман ҳам 48 мегапикселли ултра кенг бурчакли камерага эга бўлди, бу iPhone 15 Pro’даги 12 мегапикселли модулдан сезиларли даражада устундир. Иккала моделдаги телефото камера ҳозирда энг юқори даражага эга бўлиб, сифатни йўқотмасдан 5х оптик катталаштиришни қўллаб-қувватлайди (илгари бу фақат iPhone 15 Pro Мах’да ҳам мавжуд эди).

8K видео ёзиш, 3D фазовий суратга олиш режими ва янги JPEGXL форматида суратга олиш имконияти мавжуд бўлиб, у кичикроқ файл ҳажмида юқори сифатни таъминлайди. Умуман олганда, iPhone 16 Pro ва 16 Pro Max дизайни ўзгармайди, аммо янги қум рангли Gold Titanium мавжуд. У қуюқ кўк рангли титан ўрнини эгаллади. Қолган учтаси бир хил: қора Black Titanium, оқ White Titanium ва сарғиш Natural Titanium.

Мазкур смартфонларнинг нархлари эса қуйидагича этиб белгиланди:

- iPhone 16 смартфони 799 доллар;

- iPhone 16 Plus смартфони 899 доллар;

- iPhone 16 Pro смартфони 999 доллар;

- iPhone 16 Pro Max смартфони 1199 доллар.

• Smartfon
• Taqdimot
• iPhone