Бугун, 10 сентябрь куни 2026-йилги Жаҳон чемпионати Осиё қитъаси саралашининг 3-босқичи 2-тури доирасида Ўзбекистон миллий терма жамоаси сафарда Қирғизистон билан баҳс олиб боради.

Мазкур учрашувни қувайтлик ҳакамлар бригадаси бошқариб боради. Бош ҳакам Аҳмад ал-Али, унга қанотларда ҳамюртлари Абдулҳади ал-Анези ва Аҳмад Аббос ёрдам беради. 4-расмий ҳакам сифатида эса Аммар Ашканони ишлайди.

Шунингдек, Абдуллоҳ Жамоли ВАР ҳаками сифатида фаолият юритади.

Сречко Катанетс шогирдлари учрашувни тўлиқ кўк либосда, дарвозабон эса яшил либосда ўтказади. Мезбонлар эса оқ рангли либосларда ҳаракатланади.

Маълумот учун, Қирғизистон-Ўзбекистон баҳси соат 19:00 да бошланади. Ўйинга Бишкек шаҳридаги “Долен Умурзаков” стадиони мезбонлик қилади.

• Футбол
• Жаҳон чемпионати