Марказий банкнинг Ички валюта бозори шарҳида маълум қилинишича, ушбу кўрсатгич ўтган йилнинг январь—ноябрь ойларига нисбатан 25 фоизга ёки 3,5 миллиард долларга кўп.

Биринчи ярим йилда Ўзбекистонга пул ўтказмалари 27 фоизга ошиб, 8,2 миллиард долларга етганди. Ўшанда пул ўтказмаларининг 78 фоизи Россия ҳиссасига тўғри келди. Ундан кейинги ўринларда Қозоғистон, АҚШ, Жанубий Корея, Туркия, Буюк Британия, Қирғизистон, Литва ва бошқа давлатлардан пул жўнатилганди.

Марказий банк маълумотларида келтирилишича, 11 ой давомида пул ўтказмаларининг ойлик ҳажми нотекис бўлган. Энг юқори кўрсаткич июль ойида қайд этилиб, ўша ойда мамлакатга 1,97 миллиард доллар кириб келган. Кейинги ойларда пасайиш кузатилган. Хусусан, октябрь ойида ўтказмалар 1,86 миллиард долларни ташкил этган бўлса, ноябрда бу кўрсаткич яна қисқариб, 1,48 миллиард долларгача тушган.

2025 йил декабригача трансферлар миқдори:

– январь — 1,06 млрд доллар;

– февраль — 1,07 млрд доллар;

– март — 1,21 млрд доллар;

– апрель — 1,43 млрд доллар;

– май — 1,64 млрд доллар;

– июнь — 1,78 млрд доллар;

– июль — 1,97 млрд доллар;

– август — 1,90 млрд доллар;

– сентябрь — 1,83 млрд доллар;

– октябрь — 1,86 млрд доллар;

– ноябрь — 1,48 млрд доллар.

• Марказий банк
• Валюта
• статистика