Анчадан буён давом этаётган намойишлар сабаб Париж кўчалари чиқинди уюмлари билан тўлиб-тошди. Бу эса ёқимсиз ҳид чиқармоқда ва аҳолининг йўлларда ҳаракатланишига тўсқинлик қилмоқда.

22 кун аввал пенсия ислоҳотига қарши бошланган иш ташлаш туфайли Парижнинг барча туманларида чиқиндилар катта миқдорда тўпланишда давом этмоқда.

Ҳокимлик маълумотларига кўра, ҳозирда олиб чиқиш учун навбатда 7500 тоннага яқин чиқинди бор.

“Парижнинг ўн еттинчи округи аҳолиси чиқинди йиғувчиларнинг пенсия ислоҳотига қарши иш ташлаши туфайли тўпланган чиқинди тоғларини олиб чиқиш учун хусусий тозалаш компаниясига мурожаат қилишга мажбур бўлди”, деб хабар берди БФМТВ.

Шунингдек, маҳаллий аҳоли вакили Полина исмли аёл яшайдиган бинода чиқинди уюми деярли икки метрга етганини маълум қилган. Чиқинди тозаловчиларининг иш ташлашидан икки ҳафта ўтиб мен чидай олмадим ва хусусий компанияга мурожаат қилишга мажбур бўлдим", – дейди у маҳаллий ОАВга берган интервьюсида.

Илгари маиший чиқиндиларни йиғмаган тозалаш корхоналари бу хизматни ўзлари таклиф қила бошламоқда.

"Ҳодисаларни бир мунча вақт кузатар эканман, иш ташлашлар бўлганида нега бу хизматни таклиф қилмаслик керак деб ўйладим. Бизга жуда кўп қўнғироқлар бўлмоқда, айниқса ўтган ҳафтадан бери, улар иш ташлаш муддати узайтирилганини эълон қилганидан бери", – дейди “Dr.Cleaner” тозалаш компанияси раҳбари Ёад Атлан.

• Fransiya