Арманистон иштирок этаётган ташқи хавфсизлик тизимлари самарасиз. Бу ҳақда Бош вазир Никол Пашинян ватандошларига мурожаатида айтиб ўтди.

Пашинян “сўнгги йилларда Озарбайжон ва Арманистон ўртасида кечган низоларнинг якуний натижаларидан сўнг” бу хулосага келган. Бош вазирнинг қўшимча қилишича, мамлакат иттифоқчилари ўзининг заифлигини кўрсатишга тобора кўпроқ ҳаракат қилмоқда.

Пашинян айнан қайси “ташқи хавфсизлик тузилмалари” ва иттифоқчилари ҳақида гапираётганини тушунтирмади. Бироқ Арманистон Коллектив Хавфсизлик Шартномаси Ташкилотининг (КХШТ) аъзоси бўлиб, бундан аввалги чиқишларида Пашинян айнан шу ташкилот ҳақида жуда кўп танқидий гаплар айтган эди. Бугунги кунда ушбу ташкилотга Арманистондан ташқари яна Беларус, Қозоғистон, Қирғизистон, Тожикистон ва Россия ҳам аъзо.

Аввалроқ Арманистон Ташқи ишлар вазири Арарат Мирзоян БМТ миссиясини Тоғли Қорабоғда жойлаштиришга чақирган эди.

• Арманистон
• КХШТ
• Пашинян