Афсонавий "Pink Floyd" рок-гуруҳи вакиллари ўз қўшиқларига эгалик қилиш ҳуқуқини 500 миллион АҚШ долларига сотиш қарорига келдилар. Харидор гуруҳнинг ўзига хос белгилари туширилган эсдалик совғалар савдоси билан шуғулланиш ҳуқуқини ҳам қўлга киритади.
Маълум бўлишича, қўшиқларга муаллиф қилиш ҳуқуқини "Warner Music" ёки "Sony Music" студияларидан бири сотиб олиши мумкин.
Кўплаб компаниялар мусиқий гуруҳ қўшиқларининг муаллифлик ҳуқуқини сотиб олишга аввал ҳам бир неча бор уриниб кўришган, аммо гуруҳ аъзоларининг фикри бир жойдан чиқмаган эди.
"Бу мусиқий бизнес тарихидаги энг йирик келишувлардан бири бўлади", дейди гуруҳнинг расмий вакили Лукас Шоу.
Эслатиб ўтамиз, "Pink Floyd" гуруҳи шу кунга қадар 15 та альбом тақдим этган, уларнинг учтаси – "The Dark Side Of The Moon" (1973), "Wish You Were Here" (1975) ва "The Wall" (1979) инсоният тарихидаги энг кўп сотилган рок-альбом деган таърифга сазовор бўлган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!