Пекиндаги Император саройи музейида Ўзбекистоннинг 18 та ноёб экспонати намойиш этилди. Бу ҳақда Саида Мирзиёева хабар берди.

“Бир макон, бир йўл” форуми доирасида Пекиндаги Император саройи музейида Ўзбекистон тарихи давлат музейи ва Ўзбекистон Фанлар академияси Санъатшунослик институти сара тўпламларига мансуб ўн саккизта ноёб экспонатни тақдим этдик.

Маданий меросимизни дунёнинг энг йирик музейларидан бири – бебаҳо тарихий осори-атиқалар сақланадиган Гугун музейида намойиш этиш учун имконият яратган ва бунда иштирок этган, ўз ҳиссасини қўшган барча-барчага самимий миннатдорлик билдираман.

Ана шундай имконият ва ташаббуслар туфайли мамлакатимиз ўзининг бой ўтмишини дунё жамоатчилигига намоён эта олганидан хурсандман”, – дея ёзади Президент ёрдамчиси.

• Pekin
• Президент
• Санъат
• Taqdimot
• музей