Голливуд юлдузи Арнолд Шварсенеггер жорий йилнинг февраль ойида автоҳалокатга учрагани маълум бўлди. 76 ёшли актёр ўз автомобилида ҳаракатланиб кетиш вақтида йўлида пайдо бўлган велосипедчи аёлни уриб юборган.
Жабрланувчи Жоан Фликингер Калифорния штатининг собиқ губернатори автомобилда катта тезликда ҳаракатлангани, шунинг учун ҳам бошқарувни йўқотгани, тўқнашув оқибатида жиддий жароҳатлар олганини айтган. Ҳодиса гувоҳлари эса аксинча, Шварсенеггер автомобилда секин ҳаракатланганини қайд этишган.
Автоҳалокат содир бўлганидан кейин Арнолд Шварсенеггер велосипедчи аёлни касалхонага олиб борган, унинг велосипедини эса устахонага топширган.

Автоҳалокат айнан кимнинг айби билан содир бўлгани ҳозирча аниқ эмас. Гувоҳлар жабрланувчининг ўзи йўналишни кескин ўзгартиргани ва актёрнинг олдидан чиқиб қолганини таъкидлашмоқда.
Жабрланувчи аёлга актёр томонидан етарлича ёрдам кўрсатилганига қарамай, суд иши давом этмоқда. Аёлнинг ижодкордан яна қандай даъвоси борлиги ҳозирча аниқ эмас.

• Avtohalokat
• Шоу-бизнес
• aktyor