Покистоннинг Пешовор шаҳридаги масжидда содир этилган теракт қурбонлари сони 90 кишига етди. Маҳаллий полиция берган маълумотларга кўра, портлаш оқибатида 200 нафардан ошиқ ярадор касалхоналарга етказилган. Вафот этганларнинг жасадлари эса шахсни аниқлаш ва дафн этиш учун марҳумларнинг яқинларига топширилган.
Айни вақтда ҳуқуқни муҳофаза қилиш органлари ходимлари шифокорлар билан биргаликда бино харобалари остида қолиб кетган одамларни қутқариш ишларини давом эттирмоқдалар. Теракт муносабати билан бир кунлик мотам эълон қилинган.
Эслатиб ўтамиз, кеча, 30 январь куни Пешоворнинг Афғонистон чегараси яқинида жойлашган ҳудудидаги масжидда теракт содир этилган эди. Портлаш худкуш томонидан амалга оширилган, теракт учун жавобгарликни "Толибон"нинг Покистондаги бўлинмаси ўз бўйнига олган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!