Португалиядаги авиашоу чоғида минглаб томошабинлар кўз ўнгида икки самолёт тўқнашиб кетди. Бир киши ҳалок бўлди, яна бири яраланди. Бу ҳақда “Анадулу” хабар берди.

Қайд этилишича, ҳодиса 2 июнь куни Бежа шаҳрида содир бўлган. Мамлакат ҳарбий-ҳаво кучлари олтита самолёт иштирок этган намойиш чоғида иккита самолёт шикастланганини маълум қилган. Тўқнашув иштирокчиларидан бири ҳалокатга учраган, иккинчиси қўнишга муваффақ бўлган.

Учувчилардан бири вафот этди, у Испания фуқаролигига эга. Яна бир учувчи жароҳатланган. “Натижада тадбир тўхтатилди, воқеа жойига 30 дан ортиқ тез ёрдам машинаси етиб келди”, деб ёзади “Тhе Sun”.

• Португалия
• aviashou