Россия президенти Владимир Путин америкалик тадбиркор Илон Маскни ажойиб шахс, фаол ва иқтидорли бизнесмен деб билади. Бу ҳақда у кеча, 12 сентябрь куни Шарқий иқтисодий форум (ЭЕФ) ялпи мажлисида айтиб ўтди.

"Хусусий бизнесга келсак, Илон Маск, албатта, у ажойиб шахс. Буни тан олиш керак, менимча, буни бутун дунё тан олади", - деди Путин.

Шунингдек, Россия президенти Илон Маск ҳақида гапирар экан "у фаол ва жуда истеъдодли тадбиркор", дея қўшимча қилди.

Қолаверса, Россия етакчиси Маскнинг “Америка давлати кўмагида” кўп иш қилаётганига алоҳида эътибор қаратди.

“Ўз навбатида, биз ҳам бу ишни ривожлантириш ниятидамиз ва Роскосмос ҳукумат томонидан қўллаб-қувватланган [хусусий инвесторларни коинотни ўрганишга жалб қилиш бўйича] қарор қабул қилган”, – деди Путин.

Россия президенти космик соҳага хусусий сармоя жалб этилаётганини таъкидлаб, "бу жуда муваффақиятли", деб қўшимча қилди.

• Бизнес
• Ilon_Mask
• Путин
• Roskosmos
• Россия
• Тадбиркорлик
• kosmos