Бугун, 28 апрель куни соат 11:22 да Қамчиқ довонидан ўтган А-373 “Тошкент-Ўш” автомобиль йўлининг 157,1-километрида “Тошкент-Водий” йўналишида ҳаракатланган Isuzu русумли юк автомобили ҳайдовчиси бошқарувни йўқотган ва йўл ўртасидаги тўсиққа бориб урилиб, йўл-транспорт ҳодисаси содир этганлиги тўғрисида 112 ягона диспетчерлик тизими орқали ФВБга хабар қилинган.

Содир бўлган йўл-транспорт ҳодисаси оқибатида юк машинаси ҳайдовчиси машина кабинаси ичида қисилиб қолган.

Ҳодиса жойига зудлик билан ФВВ қутқарувчилари, ЙПХ ва Тез тиббий ёрдам ходимлари етиб борган. ФВВ қутқарувчилари томонидан юк машинаси кабина қисмида қисилиб қолган ҳайдовчиси чиқариб олиниб, биринчи ёрдам кўрсатилган ва Поп тумани тиббиёт бирлашмасига жўнатилган.

Олиб борилган тезкор ҳаракатлар натижасида инсон ҳаёти сақлаб қолинган.

• ФВБ
• Қамчиқ
• YTH