2025 йилда Тахтиқорача довони орқали 7 км.лик пуллик туннель қуриш бўйича давлат-хусусий шериклик шартномаси имзоланиши кутилмоқда. Бу ҳақда транспорт вазири Илҳом Маҳкамов 11 июль куни депутат саволига жавоб бера туриб маълум қилди.

Президентнинг Самарқанд ва Қашқадарё вилоятларига ташрифи давомида Тахтиқорача пулли туннель қуриш вазифаси Транспорт вазирлиги зиммасига юклатилган. Ушбу лойиҳа давлат-хусусий шериклик асосида амалга оширилади ва унинг умумий қиймати 100 млн долларга баҳоланмоқда.

Ҳозирда учта хусусий компания геодезия ва геология ишларини якунлаб, лойиҳанинг техник-иқтисодий асосини тайёрламоқда. Август ойида ушбу компаниялардан энг муносиби танлаб олинади ва улар билан шартнома имзоланади. Маҳкамовнинг сўзларига кўра, танловда Ўзбекистон манфаатлари инобатга олинади.

Август ойида тендер натижалари эълон қилиниб, ғолиб компания билан келишув тузилади. Шундан сўнг қурилиш ишлари бошланиши кўзда тутилган. Туннель қурилишидаги асосий мураккабликлар геологик шароит ва тоғлик ҳудудда иш олиб бориш билан боғлиқ.

• Qashqadaryo
• Самарқанд
• Йўл қурилиш
• qurilish
• shartnoma