Жорий йилнинг 1 декабрь куни соат 22:02 ларда, Қарши шаҳар “Беклар” маҳалласи ҳудуди, Амир Темур кўчасидаги “Ганга” кафеси олдида, ҳайдовчи П.Д. бошқарувида бўлган 1-Lacetti русумли автомобили билан А.Темур кўчаси томонидан Қарши шаҳар Жайхун кўчаси томон ҳаракатланиб бориб, ҳайдовчи М.А. бошқарувида бўлган 2-Lacetti русумли автомобилининг ҳаракат йўлига чиқиб кетиб, йўлнинг ўнг томонида тўхтаб турган, ҳайдовчи П.Д. бошқарувида бўлган 3-Lacetti, ҳайдовчи Т.С. бошқарувида бўлган Cobalt, ҳайдовчи П.Ш. бошқарувида бўлган Tracker русумли автомобилларига келиб урилиб, йўл-транспорт ҳодисаси содир этган.

Бу ҳақда, Қашқадарё вилояти ИИБ ахборот хизмати хабар берди.

Натижада, 3-Lacetti русумли автомобиль салонида бўлган йўловчи тан жароҳати олиб шифохонага ётқизилган.

“Ҳозирги кунда мазкур ҳолат юзасидан суриштирув ҳаракатлари олиб борилмоқда”, – дейилган хабарда.

• Қарши
• YTH