Бугун, 7 октябрь куни соат 15:45 да Қашқадарё вилояти, Қарши тумани “Дашт” МФЙ ҳудудидан ўтувчи, “Ғузор-Қарши” автомобиль йўлида жойлашган автомобилларга суюлтирилган газ қуйиш шохобчасида “Камаз-512” русумли автомобилидан газ сақлаш ёмкостига газ қуйиш вақтида газ-ҳаво аралашмасининг чақнаши содир бўлган. Ушбу чақнаш натижасида ёнғин юзага келган. Бу ҳақда вилоят ФВВ хабар бермоқда.

Қайд этилишича, 4 та ёнғин-қутқарув экипажи соат 15:56 да ҳодиса жойига етиб бориб, ёнғин соат 16:00 да ўраб олинган ва соат 16:45 да ўчирилган.

Ёнғин натижасида шаҳобча биносининг 22 кв.м майдонда том қисми ёниб зарарланган. Воқеа натижасида тан жароҳати олган ва вафот этганлар йўқ.

Ҳозирда ёнғин сабаби ва моддий зарар миқдори аниқланмоқда.

• ФВВ
• Qashqadaryo
• ёнғин