Маълумотларга кўра, Қашқадарё вилоятида 102 ёшли отахонга туғилганлиги ҳақида гувоҳнома берилди.

Ислом ота Бердимуродов Қарши туманидаги “Кўчкак” маҳалласида яшайди. У 8 нафар фарзанднинг отаси ҳамда 30 нафардан ортиқ набиранинг бобоси ҳисобланади.

“Биз яшаган замонлар оддий даврлар эди. Оддий деҳқон бўлганман. Умримнинг ярми пахта даласида ўтган. Мана, бугунги замонга келиб ҳамма жойларда ҳужжат сўрашяпти”, — деган отахон суҳбат давомида.

Хабарга кўра, отахоннинг ўғиллари ФҲДЁ бўлимига мурожаат қилган. Шундан сўнг, Қарши туман ФҲДЁ бўлими томонидан керакли ҳужжатлар тайёрланиб, Ислом ота Бердимуродовга 102 йил кечикиб келган ҳужжат тантанали равишда расмийлаштирилиб, сайёр тартибда фуқаронинг яшаш хонадонига етказиб берилган.

• ФҲДЁ
• Гувоҳнома
• Qashqadaryo