Қашқадарё вилоятида ер майдони савдоси билан боғлиқ фирибгарлик ҳолати фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг матбуот хизмати хабар берди.

Қайд этилишича, Бош прокуратура ҳузуридаги Департамент ҳамда ИИБнинг Қашқадарё вилояти бошқармалари томонидан тезкор тадбир ўтказилган. Ушбу жараён давомида, фуқаро Ш.У. “М.М.” фермер хўжалигига қарашли 25 гектар ер майдонини фуқаро Э.M.гa фирибгарлик йўли билан 240 млн сўмга сотишга келишиб, ер майдони ҳужжатларини танишлари ёрдамида тўғрилаб беришни ваъда қилиб, олдиндан 100 млн сўмини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

• Жиноят
• Qashqadaryo
• Ер-кадастр