Парламент спикери Нурланбек Шакиев қара-қирғиз автоном вилоятининг 100 йиллигига ва давлат арбоби Иманала Айдарбековнинг 140 йиллигига бағишланган тадбирда Қирғизистон мадҳиясини қайта ёзишини маълум қилди. Бу ҳақда 24.kg. хабар берди.

“Биз ҳозирги мадҳияни Совет Иттифоқидан эндигина чиққанимизда қабул қилган эдик. Энди биз оёққа турган ва ривожланиш йўлида бўлган давлатмиз. Шунинг учун биз мадҳияни ўзгартиришимиз керак. У шундай бўлиши керакки, ҳамма баралла айтсин”, – деди Нурланбек Шакиев.

Қирғизистон Республикасининг давлат мадҳияси 1992 йил 18 декабрда Қирғизистон Республикаси Олий Кенгашининг қарори билан тасдиқланган. Дастлаб у учта мисра ва хордан иборат эди, аммо 2012 йил 27 декабрда Жогорку Кенеш қарори билан иккинчи мисра чиқариб ташланган.

• Мадҳия
• Қирғизистон