ОАВда Қирғизистон фуқароларининг Россияга кириши оммавий равишда рад этилгани ҳақидаги хабарлар фонида мамлакат Ташқи ишлар вазирлиги Россия Федерациясига саёҳат қилишдан вақтинча воз кечишни тавсия қилмоқда. Бу ҳақда kz.kursiv.media хабар берди.

Хабарга кўра, вазирлик Россияга бориш учун узрли сабаблари бўлмаган фуқароларга аввал жорий қилинган қўшимча хавфсизлик чоралари ва давлат чегараси орқали киришда кучайтирилган назорат режими бекор қилинмагунча, Россия ҳудудига боришдан вақтинча тийилишларини яна бир бор маслаҳат берган.

Департаментнинг таъкидлашича, ҳозирча Ташқи ишлар вазирлиги ва республика консуллик муассасаларига Қирғизистон фуқароларининг Россия Федерациясига киришини оммавий равишда рад этиш ҳолатлари ҳақида ҳеч қандай сигнал келиб тушмаган.

• Қирғизистон
• Россия
• Tashqi ishlar vazirligi