SpaceX компаниясининг Starlink сунъий йўлдош интернет хизмати Қирғизистон ҳудудида расман фаолиятини бошлади. Компаниянинг интерактив харитасида мамлакат мақоми “аваилабле” (“мавжуд”) қаторига қўшилди. Қирғизистон ҳукумати ушбу лойиҳа орқали, аввало, чекка ҳудудлардаги мактаблар, шифохоналар ва рақамли инфратузилма етиб бормаган аҳоли пунктларини юқори тезликдаги интернет билан таъминлашни режалаштирган.

Марказий Осиёда Старлинкъни биринчи бўлиб Қозоғистон 2025 йил 13 август куни расман ишга туширган эди. Ундан аввал тизим қишлоқ мактабларида пилот лойиҳа сифатида синовдан ўтказилган. 2026 йил 5 февралда Starlink Тожикистонда ҳам расман ишга тушган. Эндиликда, 2026 йил 23 майдан бошлаб Қирғизистон ҳам сунъий йўлдош интернети мавжуд давлатлар қаторига қўшилди. Ўзбекистонда қачон ишга тушади?

Жорий йил март ойида Чимкентда бўлиб ўтган Digital Qazaqstan-2026 халқаро форумида бош вазир Абдулла Арипов Ўзбекистон 2026 йилда сунъий йўлдош интернетини синовдан ўтказишни режалаштираётгани ҳақида маълум қилган эди. Қўшни Туркманистонда ҳам 2026 йилдан ишга тушиши режалаштирилмоқда.

• Интернет
• Қирғизистон
• SpaceX
• Starlink