Рамзан Қодировнинг ўғли Адам Қодиров Россия Мудофаа вазирлиги таркибидаги “Шайх Мансур” батальонига раҳбарлик қилади. Бу ҳақда Чеченистон парламенти спикери Магомед Даудов маълум қилди.

“Дўстлар! Менинг Азиз жияним, Чеченистон Республикаси қаҳрамони Адам Қодировга муҳим йўналиш ишониб топширилган: бундан буён у Россия федерацияси мудофаа вазирлиги таркибидаги энг жанговар бўлинмалардан бирини - Шайх Мансур батальонини назорат қилади.

Ишончим комилки, бизнинг биринчи Президентимиз, Россия қаҳрамони Ахмат-Хаджи Қодировнинг набираси кўсатилган ишончни юқори даражада оқлайди ва батальон шахсий таркиби белгиланган вазифаларни сифатли бажариш учун зарур бўлган барча нарсалар билан таъминланиши учун зарур бўлган ҳамма нарсани қилади.

Бунинг учун Адам Қодиров зарур қобилият ва кўникмаларга эга, уларнинг асосийлари меҳнатсеварлик, қатъиятлилик ва ишониб топширилган ишга масъулиятли муносабатдир.

Бундан ташқари, бугун менинг азиз жияним Шайх Мансур номидаги баталён юлдузини олгани ҳақида хабар беришдан мамнунман, мен уни чин дилдан табриклайман! Адам Қодировга Аҳмат-Ходжи йўлида катта муваффақиятлар, сиҳат-саломатлик ва омад тилайман!”– дейилади хабарда.

• Checheniston
• Ramzan Qodirov