18 ёшли Ахмат Қодиров Чеченистон ёшлар ишлари вазири бўлди ва республиканинг олий мукофоти – Қодиров ордени билан тақдирланди, дея хабар берди вилоят парламенти спикери Даудов. Бунгача у спорт ва ёшлар сиёсати бўйича вазир ўринбосари лавозимида ишлаган.

“Сизни Чеченистон Республикаси Ёшлар ишлари бўйича вазири Ахмат Қодировни Қодиров ордени билан тақдирлангани билан табриклаймиз! Бугун спорт фестивалининг очилиш маросимида унга Чеченистон Республикасининг олий мукофотини топширганимдан мамнун бўлдим”, -деб ёзади у.

Даудовнинг қайд этишича, бунгача кичик Қодиров “Биринчи ҳаракат” болалар ва ёшлар ҳаракатининг Чеченистондаги ҳудудий бўлими кенгаши раиси, шунингдек, республика Жисмоний тарбия, спорт ва ёшлар сиёсати вазирининг биринчи ўринбосари лавозимида ишлаб келган.

• Chechiniston
• Ramzan Qodirov