Кеча, 16 февраль соат 21:18 да Қўқон шаҳар, Муқимий кўчасида кўп қаватли уй ёнаётганлиги тўғрисида “112” тизими орқали Фарғона вилояти Фавқулодда вазиятлар бошқармасига хабар келиб тушган.

Ёнғин жойига ёнғин қутқарув экипажлари соат 21:23 да етиб бориб, ёнғин 21:25 да ўраб олиниб, 21:32 да батамом ўчирилган. Бу ҳақда вилоят ФВБ ахборот хизмати хабар берди.

Ёнғин газ ва ҳаво аралашмасининг чақнаши оқибатида содир бўлган бўлиб, 28-уйнинг 50 м² майдонда том ва шифт қисми ҳамда уй жиҳозлари ёнган.

“Чақнаш оқибатида 4 нафар фуқаро турли даражада куйиш тан жароҳати олиб, шаҳар тиббиёт бирлашмасига ётқизилган. Кўрсатилган тиббий ёрдамга қарамасдан 1 нафар фуқаро вафот этган”, – дейилади хабарда.

Ҳозирда ҳодисанинг сабаблари аниқланмоқда.

• ФВБ
• Фарғона
• Qo'qon
• ёнғин