Қорақалпоғистоннинг Нукус шаҳрида ноқонуний намойишларда қатнашганликда гумонланган фуқаролар қўлга олинган. Бу ҳақда АОКАда Қорақалпоғистондаги фавқулодда ҳолат вақтида амалга оширилган ишлар юзасидан ўтказилган брифингда маълум қилинди.

Нукусдаги оммавий тартибсизликлар оқибатида 243 нафар шахсга, жумладан, 38 ҳуқуқ-тартибот органлари ходимларига турли тан жароҳатлари етказилган, оғир тан жароҳатлари туфайли 18 нафар фуқаро вафот этган.

Фавқулодда ҳолат эълон қилинганидан сўнг 4 июлга ўтар кечаси комендантлик тартибини бузгани учун 110 нафар фуқаро кўчаларда бемақсад юргани учун ушланиб, ички ишлар идораларига топширилган. 12 та автотранспорт воситаси жарима майдончасига жойлаштирилди. Хусусан, Нукус шаҳрида комендантлик режимига риоя қилмаган 58 нафар шахс ушланган. Шундан 28 нафарига тегишли моддалар билан маъмурий баённома расмийлаштирилган, қолганлари билан профилактика суҳбат ўтказилиб, 7:00 дан кейин қўйиб юборилган.

Шунингдек, Тергов ва тезкор — қидирув тадбирлари давом эттирилмоқда. Тергов ва тезкор-қидирув тадбирлари қонунларга қатъий риоя қилинган ҳолда ўтказилиб, қонун устуворлиги ва жазо муқаррарлигини таъминлашнинг барча чоралари кўрилади.

• Намойиш
• Қорақалпоғистон