Қозоғистон Сенат депутатлари Коллектив Хавфсизлик Шартномаси Ташкилоти (КХШТ) қўшинларини (Коллектив кучларни) биргаликда моддий-техника ва тиббий таъминлаш тўғрисидаги битимни ратификация қилиш тўғрисидаги қонунни маъқуллади.

Қайд этилишича, 2021 йилнинг сентябрида Душанбеда имзоланган келишув томонларнинг КХШТ ҳарбий гуруҳларини қўшма моддий-техника ва тиббий таъминотни ташкил этиш бўйича ўзаро ҳамкорлигини тартибга солади.

Битимнинг мақсади КХШТ қўшинларини (коллектив кучларни) замонавий ўхшаш ва (ёки) мос келувчи қуроллар, ҳарбий ва махсус техника, шунингдек, моддий-техника воситалари билан таъминлашга қаратилган мувофиқлаштирилган ҳарбий-техник сиёсатдир”, – дейилади Қозоғистон Сенатининг халқаро ишлар ва мудофаа ва хавфсизлик бўйича қўмитаси хабарида.

Бундан ташқари, бугун, 14 сентябрь куни юқори палата КХШТга аъзо давлатлар ҳудудларида коллектив хавфсизлик тизими кучлари ва воситаларининг вақтинча бўлиши билан боғлиқ ишлар бўйича юрисдикция ва юридик ёрдам кўрсатиш тўғрисидаги битимни ратификация қилиш тўғрисидаги қонунни ҳам маъқуллади.

• КХШТ
• Қозоғистон