31°
Кечаси 18°
Қозоғистон Соғлиқни сақлаш вазирлиги хабарига кўра, Олмаота шаҳридаги Марказий шаҳар клиник шифохонаси базасида вафот этган 63 ёшли аёлдан бир нечта органлар олиниб, олти кишининг ҳаёти сақлаб қолинди.
Қайд этилишича, оламдан ўтган аёл 1962 йилда туғилган ва унинг юраги 1988 йилда туғилган беморга, жигари эса 1982 йилда туғилган беморга кўчириб ўтказилган. Ўнг буйраги 1996 йилда туғилган эркак ҳаётини сақлаб қолган, чап буйраги эса 2017 йил октябрдан буён трансплантацияни кутиб келган 1966 йилда туғилган беморга ўтказилган. Бундан ташқари, донорнинг кўз шох пардалари 1983 ва 1956 йилда туғилган икки беморга кўриш имконини қайтарган.
Республика маркази донор оиласига уларнинг жасоратли қарори учун чуқур миннатдорлик билдирган, шунингдек, мураккаб жараённи юқори даражада ўтказишга муваффақ бўлган тиббиёт мутахассисларининг ҳамжиҳат меҳнатини эътироф этган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
