Қозоғистонда кўкйўталдан ўлим ҳолатлари қайд этилган. Бу ҳақда “Kaz Tag” хабар берди.

Миллий соғлиқни сақлаш марказининг маълумотларига кўра, тасдиқланган кўкйўтал ҳолатларини: 88,9% – эмланмаганлар, 97,8% эса 14 ёшгача бўлган болалар ташкил этган.

Маълумотларига кўра, кўкйўталдан вафот этган бола 1 ёш 11 ойлик бўлган. Аниқланишича, чақалоқ эмланмаган. Соғлиқни сақлаш вазири Акмарал Алназарова фикрича, бундай ҳолатда эмлашдан бош тортган ота-оналар ҳам бир хил жавобгардирлар.

Қозоғистонда 2024 йил бошидан буён 1353 та кўкйўтал ҳолати қайд этилган, ҳар 100 минг аҳолига нисбатан кўрсаткич 6,8 ни ташкил этган. 2023 йилда 421 та ҳолат қайд этилган бўлиб, 100 минг аҳолига нисбатан кўрсаткич 2,1 бўлган.

• Касаллик
• O'lim
• Қозоғистон