Қозоғистоннинг янги бош вазири Олжас Бектенов март ойида Москва ва Тошкентга ташриф буюриб, икки давлат ҳукумат раҳбарлари билан учрашади.

Тошкентда Олжас Бектенов Ўзбекистон Бош вазири Абдулла Арипов билан музокаралар олиб боради, унда савдо-инвестиция ҳамкорлигини ошириш, саноат, энергетика, қишлоқ хўжалиги ва транспорт-логистика соҳаларида кооперацияни ривожлантириш истиқболлари муҳокама қилинади.

Москвада Россия Федерацияси ҳукумати раиси Михаил Мишустин билан тор ва кенгайтирилган форматларда музокаралар бўлиб ўтади. Томонлар икки давлат раҳбарлари даражасида эришилган келишувларни амалга ошириш жараёнини муҳокама қиладилар, шунингдек, ўзаро манфаатли савдо-иқтисодий ва гуманитар ҳамкорликни янада ривожлантириш чораларини муҳокама қиладилар.

• Арипов
• Бош вазир
• Қозоғистон
• Россия