“Бугундан бошлаб “Ўзбекнефтгаз” АЖ АИ-80 бензинини биржа савдолари орқали сотишни тўхтатди.

Аввал хабар берилганидек, давлат раҳбарининг “Ўзбекистон – 2030” стратегиясини “Атроф- асраш ва “яшил иқтисодиёт” йилида амалга оширишга оид давлат дастури тўғрисида”ги Фармони ижросига мувофиқ, “Ўзбекнефтгаз” АЖ томонидан босқичма-босқич юқори октанли(АИ-92) автобензин ишлаб чиқаришга ўтиш ва сентябрь ойидан бошлаб биржа савдоларига фақат юқори октанли автобензин жойлаштирилиши режалаштирилган эди. Шу боис, “Ўзбекнефтгаз” АЖ 2025 йил 2 сентябрдан бошлаб, АИ-80 бензинини биржа савдолари орқали сотишни тўхтатди.

Ўз навбатида АИ-92 русумидаги автобензиннинг биржа савдоларига чиқариш ҳажмлари оширилди. Шу вақтга қадар 1000 тонна АИ-92 бензини савдоларга қўйилган бўлса, бугунги кунда бу рақам 1720 тоннани ташкил этмоқда. Ички бозор талабидан келиб чиқиб, бу ҳажмларни ошириш имконияти мавжуд.

Жорий август ойида тадбиркор истеъмолчилар томонидан харид қилинган АИ-80 русумидаги автобензин ҳажмлари мажбурият ва мавжуд қолдиқлар доирасида сентябрь ойида ҳам ўз эгаларига етказиб берилиши маълум қилинади” - дейилади расмий хабарда.

• AYQSh
• Бензин
• Бизнес
• Истеъмолчи