«Бавария» ва Сенегал терма жамоаси ҳужумчиси Садио Мане Австриянинг Инсбрук шаҳрида муваффақиятли операция қилинди. Бу ҳақда Мюнхен клубининг расмий сайти маълум қилди.

Операцияни 17 ноябрь пайшанба куни профессор Кристиан Финк ва доктор Энди Уилямс амалга оширган.

Футболчи ўнг фибула бошига тендон бириктирилган. Яқин орада Мане Мюнхенда реабилитацияни бошлаши керак.

Клубнинг таъкидлашича, Садио яқин кунларда Қатарда бошланадиган жаҳон чемпионатида Сенегал терма жамоаси сафида ўйнай олмайди.

У 8 ноябрь куни Бундеслига доирасидаги «Бавария» 6:1 ҳисобида ғалаба қозонган «Вердер«га қарши ўйинда иштирок этган эди.

Аввалроқ, Сенегал терма жамоаси Мане жароҳатига қарамай, жамоага фақат гуруҳ босқичи ўйинларида ёрдам бера олмаслиги, плей-офф босқичига чиқса, майдонга тушишни уддасидан чиқишига умид қилган ҳолда, уни ЖЧ-2022 учун қайдномага киритган эди.

• Футбол
• Жаҳон чемпионати
• Мане