Россиялик терговчилар Красногорскдаги Крокус Cитй Hall концерт залида содир этилган терактни тергов қилишда уч давлат ҳуқуқ-тартибот идораларидан ёрдам сўради. Бу ҳақда ТАСС нашри хабар берди.

“Учта хорижий давлатнинг ваколатли органларига ҳуқуқий ёрдам сўраб саккизта сўров юборилган, жиноятнинг барча ҳолатларини аниқлашга қаратилган бошқа тергов ва процессуал ҳаракатлар амалга оширилган”, — дейилади хабарда. 

Шунингдек, иш бўйича 1,7 мингдан ортиқ киши жабрланувчи сифатида тан олингани ва сўроқ қилингани, 800 дан ортиқ киши гувоҳ сифатида сўроқ қилингани қайд этилган. 20 дан ортиқ тинтув ўтказилиб, жиноят содир этилган жойлар 65 дан ортиқ кўрикдан ўтказилган, 650 дан ортиқ турли суд-тиббий экспертизалари тайинланган.

• Россия