Россия банки россияликларнинг чет элдаги яқин қариндошлари ҳисоб рақамларига ўтказмаларини ойига 5000 доллар миқдорида чеклашга қарор қилди. Бу ҳақда “Коммерсант” хабар берди. 

Маълум қилинишича, чеклов резидент жисмоний шахсларнинг ўз ҳисоб варақларидан турмуш ўртоғи, яқин қариндошлари (ота-она, фарзанд, бобо, буви, неварал), тўлиқ ва ўгай опа-сингиллар ва ака-укалар, фарзандликка олувчилар ва асраб олинган болаларга ўтказмалар учун жорий қилинган.

“Бу зарурий чора ва валютанинг мамлакатдан чиқиб кетмаслиги, ҳозирги вазиятда рубл курсига қўшимча босим ўтказмаслиги учун амалга оширилмоқда”, – дейди Фитч молиявий институтлари таҳлилий гуруҳи катта директори Антон Лопатин.

Қайд этилишича, Марказий банк ҳудудий банкларга Россияга қарши санкциялар қўйган мамлакатларнинг норезидентлари учун Россиядан чет элга пул ўтказмаларини амалга оширишни ҳам тақиқлаган эди. 

Бошқа мамлакатлардан келган норезидентлар учун ойига 5000 АҚШ доллари миқдорида пул олиш лимитини жорий этишга қарор қилинди. Тақиқ жорий йил 1-мартдан 31-мартгача амал қилади ва жисмоний ва юридик шахсларга ҳам тегишли.

Маълумот учун, 28-феврал куни Владимир Путин резидентларга Россиядан ўз ҳисоб рақамларига ва хориждаги банк ва брокерлардаги депозитларига хорижий валютани олиб чиқишни тақиқловчи фармонни имзолаган эди.

• Bank
• Ўзбекистон
• Россия
• Сбербанк